圣登·君悦酒店

史上第1次俾1粒星﹐裝修質素係我係中國住咁多間之中最差。 廁所，一入到去諗住去個廁所，一揭起個廁所板就見到啲黃色液體係到，第一次試過有酒店唔清潔個廁所，跟住我就用花洒去淋佢，好彩花洒夠近，如果唔係都唔知點算，真係要用手去清潔。 窗口，個窗口竟然係無玻璃，只有金屬做既蚊紗固定係個窗框到，即係一個正常既窗，但係塊玻璃換左金屬做既蚊妙，而且係固定左，唔可以移動。唔可以移動都唔緊要，係右手邊個度係留左條la，個位係絕對足夠俾啲蛇蟲鼠蟻去出入，完全理解唔到點解會有呢個設計，打風落雨個陣真係唔知點算，夏天實俾蚊針死，唔洗訓。 冷氣，今次上去撞岩天氣凍，我已經將個冷氣調到30度，但係佢仍然係一部冷氣，一啲溫暖既感覺都無。 早餐，係一樓，一入到去間房仔，第一個感覺係完全唔似有早餐食，跟住我好細心咁睇先見到牆邊有啲似食物既食物，行埋去睇，一睇完之後係完全無哂食慾，煮得好求其，放亦放得好求其。 停車場，呢間酒店係位處係一條好斜既斜路上，你只可以停係斜路路邊，如果有位既話，而且斜度我覺得係有成50度，咁岩我係開棍波車，平時好小係斜路開車，今次仲要係咁斜既斜路，成個開車過程我都極度謹慎同小心。 呢間係我第一間明言絕對唔會再住既酒店。如果有得俾負分既話，我一定俾負分。

6 年前